ماقدهاش واحد.. مصر زادت سور جديد في الحدود ديالها مع غزة

نشرو بزاف ديال النشطاء الفلسطينيين على السوشيال ميديا فيديوهات وتصاور ديال واحد السور جديد كيبنيه السيسي فالحدود بين مصر وفلسطين.
على حساب مقالت بزاف ديال التقارير الصحفية، فالنظام المصري مابقاش كيكفيه داك السياج ديال الحديد بين مصر وقطاع غزة، وقرر أنه يزيد سور جديد ديال الطوب.
وكتبين الفيديوهات الاشغال لي غادية بزربة باش يبنيو هاد السور الجديد على طول الحدود.
متداول| مصر تعزز العوائق والجدران على الحدود مع رفح.
تعليق/
ابنى جدار والف جدار بينك وبين اخيك ودع الابواب مفتوحة لليهود والنصرى والله لن يرضو عنك ولن يحبوك انما انت بالنسبة لهم كلب مطيع اذا تعثر قتلوه #السيسي#غزه_مقبرة_الغزاة pic.twitter.com/mcEZHNLHoe
— ابو انس (@boanasahmed12) February 4, 2024
هادشي كيجي بعد جوج ديال الأحداث لي دارو بوم مؤخرا في وسط الحرب ديال إسرائيل على غزة.
الأولى هي داك الفيديو لي نتاشر بزاف ديال شي دراري صغار فلسطينيين كيلعبو حدا الحدود وكيهضرو مع العسكر دمصر.
والثانية هي الاتهامات لي وجهاتها إسرائيل لمصر كتتاهمها بأنها ماحاضياش الحدود ديالها مزيان، وكتقول ان التهريب ديال الأسلحة لحماس كيجي منها، وهي التهم لي رفضاتها مصر.