تضامن كبير بين المغاربة فسان بيدرو: كلشي واكل شارب وزماگري شرا جدي وذبحو لصحابو المغاربة فلابلاج

كتعرف مدينة سان بيدرو الايفوارية حملة تضامن كبيرة بين المغاربة، وهذا الشي بالتزامن مع تواجد المنتخب المغربي فيها اللي كيلعب كوب دافريك.
اليوم السبت، قرر مغربي من زماگرية فرنسا يهدي هدية للمغاربة اللي كاينين فلا بلاج د سان بيدرو، ومشى لسوق المدينة اللي فيه الماشية واختار جدي (ذكر الماعز) وشراه جابو لهم يذبحوه ويكلوه وسط طقوس وتقاليد مغربية.
التضامن بين المغاربة مخلي واحد الصورة زوينة عند الايفواريين اللي كيبغيو المغرب وزاد حبهم للملك محمد السادس والمغاربة، ملي كيشوفو العلاقة القوية بين الجماهير المغربية، والمغاربة اللي ما كيفوتوش بعضيتهم، وكلشي كيخلص على كلشي والجميع واكل شارب، والمهم هو يشجعو المنتخب المغربي فكوب دافريك.