سليم أملاح: كلشي باغي يربح المنتخب المغرب وحنا غنمشيو لكاس افريقيا باش نربحوها وعلينا العين

أكد الدولي المغربي سليم أملاح لاعب فالينسيا الاسباني، ان الهدف المقبل ديال المنتخب الوطني المغربي هو يربح كاس افريقيا فالكوت ديفوار، ولو ان العين غتكون على الأسود حيث كلشي الخصوم غيضربو لهم حسبة بعد الإنجاز اللي حققو فكوب ديموند 2026.
الدولي المغربي وفحوار دارو مع bein sports تحدث على كيفاش كيشوف حظوظ المنتخب المغربي فكوب دافريك 2023، وقال: "ما عليناش الضغط ولكن التطلعات ولات كبيرة.. سالينا المونديال فالمركز الرابع ودابا كلشي كيتسنانا وكلشي باغي يربح رابع العالم".
ووضح سليم املاح: "حنا غنديرو جهدنا باش نربحو كاس افريقيا.. ما كنبغيوش نهضرو على المرشحين للفوز بكوب دافريك ولكن حنا عندنا فريق مزيان وموهوب ولاعبين شباب تألقوا فالمونديال ولكن فلافريك كاينين منتخبات كبيرة ومواهب كثيرة.. حنا باغيين نربحو كوب دافريك ولكن خاصنا نردو البال من منتخبات اخرى".