شنيولة دايرة حالة فسان بيدرو مدينة المنتخب والمغاربة فكوب دافريك وتحذيرات من الملاريا

دايرة شنيولة حالة البارح بالليل واليوم السبت فمدينة سان بيدرو الايفوارية، وهذا الشي بالتزامن مع تواجد المنتخب الوطني المغربي والجماهير المغربية فالمدينة بسبب كوب دافريك.
وصبحو بزاف ديال المغاربة اللي كاينين فسان بيدرو كيتشكاو من شنيولة، اللي خلاتهم بلا نعاس سهرانين كيحوكو وكيقلبو عليها باش يقتلوها، والأكثر من هذا خلاتهم مبرزطين حيث الموستيك هي الحشرة الناقلة للملاريا وسط البشر.
وكيحذرو المسؤولين الطبيين هنا فمدينة سان بيدرو الايفوارية من قريص شنيولة، وانتقال مرض الملاريا من خلالها وسط الجماهير، وبداو يكتسجلو حالات للإصابة بالمرض، ومن بينهم مغاربة.