الما والضو كيتقطعو فسان بيدرو فين گالسين المنتخب والجماهير المغربية والموت ديال الصهد

كتعيش مدينة سان بيدرو الايفوارية فين لعب المنتخب الوطني المغربي الدور الاول من كاس افريقيا وغيلعب فيها ربع النهائي مع جنوب إفريقيا، انقطاع متكرر للما والضو.
وتتفاجأ الجماهير اللي كاينة فمدينة سان بيدرو الايفوارية، بالأنقطاع المتكرر وبالساعات للما والضو، سوا فالأوطيلات أو فالديور، وهذا اثار استغراب بزاف من الزوار ديال المدينة خصوصا وأنها مدينة جات وسط الغابات والبحريات، والأكثر من هذا الشي انها كتحتضن ماتشات كوب دافريك فهاد الأيام.
وكيعانيو دابا الأشخاص اللي فسانبيدرو من هاد الانقطاع المتكرر فالضو والما واللي كيمتد لساعات، حيث الإنسان فهاد الطبيعة وهذا الجو السخون محتاج يدوش 2 المرات على الاقل ومحتاج لاكليم تبرد عليه الحرارة المرتفعة بزاف.