الكاف صيفط إيكيب للكوت ديفوار قبل كأس إفريقيا وها علاش

صيفط الاتحاد الإفريقي لكرة القدم لجنة للكوت ديفوار، اليوم الاثنين، وهذا الشي قبل ما يبدا كاس إفريقيا 2023، اللي غيتلعب بين يناير وفبراير 2024.
وحسب ما تصول به "كود"، فالاتحاد الإفريقي لكرة القدم رسل إيكيب للكوت ديفوار، المهمة ديالها هو تشوف وتقلب فين وصلات الاستعدادات الأخيرة قبل ما تبدا الكوب دافريك، والمهمة ديالها فتفتيش البنية التحتية بدات اليوم.
المدة الزمنية ديال فريق الكاف خلال العملية ديالو فالكوت ديفوار هي 5 أيام، وغيزور فيها الفريق 4 مدن إيفوارية غيتلعبو فيها ماتشات كوب دافريك وهي سان بيدرو، كوهوكو، بواكي، ياموسوكرو.