ها الجو اللي غيلعبو فيه الأسود ضد الكونگو فسانبيدر: الحرارة والرطوبة طالعين وجاية الشتا

كتعيش مدينة سان بيدرو الإيفوارية اليوم الاحد، على أجواء ماتش المنتخب الوطني المغربي ضد منتخب الكونكو الديمقراطية برسم الجولة الثانية من دور مجموعات كأس إفريقيا.
اليوم الاحد اللي غيلعب فيه المنتخب الوطني المغربي ضد منتخب الكونكو الديمقراطية، فيه أجواء غائمة مع احتمال تصب الشتا، وبالنسبة للحرارة كتوصل إلى 30 درجة والرطوبة حتى هي طالعة وكاينة الرياح.
الماتش ديال المنتخب الوطني المغربي غيبدا مع 2 النهار حسب توقيت الكوت ديفوار، وهو الوقت من اليوم اللي كتكون فيه الحرارة والرطوبة طالعين هنا فسانبيدرو.
المنظمين بداو كيسقيو التيران، باش يكون اللعب سهل فالگازون وعملية تنقل الكورة فيها سلاسة، مع العلم أن الأجواء حارة داخل التيران وهذا غيكون تحدي بالنسبة للناخب فهاد الماتش ضد الكونكو خصوصا على الجانب البدني.