وا زهر عندو.. مراهق مغربي حرگ من طرفاية ف شمبريرة ووصل بخير للكناري وجورنالات: اللي وقع ليه هو عمليا معجزة

karim.elsoufi29@gmail.com
قالت جريدة إل بيريوديكو الإسبانية، أن شاب مغربي حرگ من طرفاية ف شمبريرة ووصل للكناري بعد ما قطع تقريبا 130 كيلومتر وسط البحر، حيث اعتبرت جورنالات أخرى أن اللي وقع هو عمليا معجزة..
وحسب المصادر ذاتها، أن الغريب ف المغامرة ديالو هو الحريگ ف شمبريرة بلا قارب بمحرك لتوجيه المسار الملاحي وبلاما تحرفو التيارات والأمواج الأطلسية القوية عن الطريق نحو الأرخبيل والأكثر من هاد الشي هو بلا الما والقص..
وأضافت التقارير ذاتها، أن طاقم سفينة سالفامار إيزار هو اللي عتق الشاب المغربي، زوال الأحد، بالقرب من ساحل فويرتيفنتورا، وجات عملية الإنقاذ ديالو صدفة. وحسب التقارير ذاتها، حظي الشاب بضربة حظ مكنته من إنقاذ حياته، حيث لم يعاني إلا من أعراض انخفاض حرارة الجسم.