ماشي فمصر... دولة عربية علنات أنها لقات 3 ديال المومياوات قدام محنطين

علنات اليمن، نهار الاثنين، أنها لقات 3 ديال المومياوات في مدينة حضرموت، لي معروفة بالنفط.
وقالت الهيئة الوطنية للآثار والمتاحف أنهم لقاو هاد المومياوات في شرق البلاد، وهوما ف حالة جديدة، ودابا غادي يديرو عليها دراسات باش يشوفو في أي حقبة تدفنو.
وكتقول الدراسات أن اليمنيين القدامى حتى هوما كانو كيحنطو الجثث ديال الموتى ديالهم بالزبيب وشحمة الجمل وشي عشبات خرين.
غير باش تعرفو، راه كينين ف المتحف ديال العاصمة اليمنية صنعاء، بزاف ديال المومياوات اليمنية لي كيرجع التاريخ ديالهم حتى ل3000 عام.