كيشكو في روسيا.. حفرة كبيرة دارت الرعب في الرومانيين ووزارة الدفاع حذرات الشعب يقربو منها

علنات وزارة الدفاع الرومانية، الخميس، أنها لقات واحد الحفرة عميقة بزاف في الحدود مع أوكرانيا كانت على شكل فوهة بركان كبيرة.
على حساب البيان لي صدراتو الوزارة، فهوم لقاو قرب هاد الحفرة الحطام ديال واحد الطيارة بدون طيار "درون" ، وكيشكو في أنها تابعة لروسيا.
دابا وزارة الدفاع حذرات الشعب من الاقتراب من المنطقة، خاصة لا تكون شي مواد ماشي حتى لهيه، خاصة وأنهم لقاو شحال هادي بقايا بزاف ديال الطائرات بدون طيار وفيها مواد كتفركع.
الوزارة الرومانية علنات أنها غادي تفتح تحقيق في هاد القضية باش تعرف الحقيقة ديال هاد الحفرة.