بيلوط فمريكان مات بسكتة قلبية فالطواليط ديال طيارة كانت هازا عرام دالناس

صحيفة The Independent البريطانية نقلات خبر موت بيلوط فطواليط ديال طيارة. البيلوط حس براسو عيان ملي بدات قلعات الطيارة بشي 3 دالسوايع فرحلة كانت غاديا من فلوريدا لسانتياگو.
الطيارة كانت هازا بزاف ديال الناس، وحولات المسار ديالها ملي وقع هادشي للبيلوط ونزلات فمطار توكومين الدولي فبنما سيتي، عاصمة بنما، وعلنو على الموت ديال لبيلوط لي سكت ليه قلبو.
الطيارة كان فيها بيلوط سوكور وضابط أول، وهوما لي عتقو الموقف، وملي البيلوط جاتو الكريز دغيا جا الطاقم الطبي باش يعتقو ولكن كان فات الفوت، واخا دارو كتر من جهدهم.