معندوش الوجه علاش يحشم.. قسيس كان كيبنج العيالات ويغتاصبهم

تقارير صحفية، قالت إن السلطات الصبليونية كتحقق مع قسيس غتاصب شحال من مرا، هادشي لي دار خلا القادة ديال الكاثوليك خرجو بيان كيأكدو فيه التعاون ديالهم مع السلطات باش يحقو فهاد القضية.
البوليس الصبليوني مبغاوش يقولو شكون هاد خينا، ولكن بزاف ديال وسائل الإعلام المحلية قالت أن هاد مول الزبايل رجل دين مسيحي، وأبرشية ملقة فين كان كيخدم قالت أن المواطنين الكاثوليكيين غادين يتعاونو مع البوليس فهاد القضية.
القضية بدات ملي شي مرا لقات سيدي فدار ديال خطيبها فيها تصاور وفيديوات ديال عيالات عريانين، ولكن كانو مغيبين بحال إلى داير ليهم البنج، وديك الساعة مشات عند البوليس باش يشوفو شنو يديرو فهاد الروينا.