يا ناكر الجميل. الكوطابلي رئيس لجنة تحكيم جوائز الصحافة كنشكر كلشي الا جمعية الاعلام والناشرين وناشر كوميرسيال كيعطي الدروس وهو شافر فلوس الدولة

اش واقع بين محمد الهيثمي مدير عام مجموعة "ماروك سوار" وبين الجمعية الوطنية للصحافة والناشرين ورئيسها. الهيثمي ظاهريا هو عضو فهاد الجمعية. ويمكن گاع خدا رئاسة جوائز لجنة التحكيم الجائزة الكبرى محمد السادس بلى خبار الجمعية اللي كينتامي ليها.
ماشي موضوعها هادا. المهم هو كيفاش واحد كوطابلي عزيز عليه البيستريات ما عمرو خط مقال واحد تحول رئيس لجنة الصحافة، واكثر من هادا، باش خدا الكلمة (ديك ربع ساعة ديال المجد كيف كيسميها اندي وارول) شكر كلشي الا الجمعية اللي بيها خدا هاد المجد.
دابا واش الكوطابلي ما رضاش يشكر جمعيتو؟ يمكن حقاش الجمعية من غير شي كوميرسيال كذب على الدولة وخلاها تخلص صالير شي وحدين ماشي صحافيين، وغاديين نرجعو للموضوع، تقريبا كلشي صحافي. هاد الصحافيين حسن ليهم يقلب عليهم المحاسب
بعد هاد لفضيحة، خاص الشركات اللي خدامة فالصحافة ديما تجيب مدير نشر صحافي ماشي كوطابلي وعزيز عليه البيستريات.