رحلة الوداد لتنزانيا لمواجهة سيمبا تأجلت

تأجلت رحلة الوداد الرياضي إلى تنزانيا، بعدما كان مقرر يسافرو يوم غدا الخميس، باش يلعبو ضد سيمبا التنزاني ضمن الجولة 4 من دور مجموعات دوري أبطال افريقيا.
وتقرر تأجيل رحلة الوداد الرياضي من غدا الخميس إلى يوم الجمعة المقبل، بعدما فضل المدرب عادل رمزي يعطي عطلة يوم غدا الخميس للاعبين يرتاحو من ماتش البارح ضد اتحاد التواركة ضمن منافسات البطولة الاحترافية.
ودارو الوداد اليوم الاربعاء حصة تدريبية فتيران بنجلون حيدو بها العيا ديال ماتش البارح ضد اتحاد التواركة، وعرفت مشاركة اللاعبين اللي لعبو اساسيين البارح وحتى اللي كانو فالاحتياط.
وغيلعبو الوداد الرياضي ماتش مهم الثلاثاء الجاي، وخاصهم ضروري يربحو باش يحافظو على حظوظهم فالتأهل لربع نهائي دوري أبطال افريقيا، والفريق كيحتل دابا المرمز الثالث فالكروب 2 على بعد 4 نقاط من المركز الاول ونقطة من المركز الثاني وقايتين سيمبا بنقطة واحدة.