الوداد خدامين على تحضير لاعب مهم لماتش سيمبا فعصبة أبطال إفريقيا

كيحاول الوداد الرياضي أنه يوجد المدافع أمين فرحان قبل الماتش المقبل ديال الفريق مع سيمبا التنزاني السبت الجاي بتنزانيا، برسم ربع نهائي عصبة أبطال إفريقيا.
وخدام الطاقم الطبي بالوداد الرياضي على علاج أمين فرحان من الإصابة اللي عندو، من بعدما توعت فالماتش الماضي ضد اتحاد طنجة، كاينة مجهودات كبيرة باش اللاعب يكون متواجد مع الفريق بتنزانيا ضد سيمبا على الأقل في الاحتياط في انتظار ماتش الروتور بالمغرب.
وغاب المدافع أمين فرحان على ماتش الوداد الرياضي واتحاد التواركة البارح برسم الدورة 23 من البطولة الاحترافية لكرة القدم، وكان خرج موعت فكأس طنجة بكأس العرش، واللاعب كيتعتبر من ركائز الفريق خصوصا في دفاع الواك.