المهدي مفتاح: ما بقى عندنا فين نغلطو وغندخلو باش نربحو ودوري أبطال إفريقيا المسابقة المفضلة عند الوداد

أكد المهدي مفتاح حارس مرمى الوداد الرياضي، أن الفريق عارف شنو تابعو غدا السبت فالماتش ضد سيمبا التنزاني، ضمن الجولة الثالثة من دور مجموعات دوري أبطال افريقيا، وان لاخيار آخر عند الواك من غير الرباح باش يعوضو الخسران فالجوج ماتشات اللي فاتو.
وتحدث المهدي مفتاح، خلال الندوة الصحافية اللي كتسبق ماتش الوداد الرياضي وسيمبا التنزاني، وقال: "المجموعة ديالنا عارفة المسؤولية اللي عليها والماتشات الأولين بجوج ما كانوش فالمستوى، ودابا ما بقاش عندنا مجال للخطأ وخاصنا نربحو وكنتمنى نكونو فالمستوى".
وكمل الكول الثاني ديال الوداد وقال: "عارفين أن المباراة ما غتكونش ساهلة ولكن إذا لعبنا كيفما درنا فالماتش الماضي ضد مولودية وجدة، غنربحو ونخرجو الوضع الصعب اللي فيها حنا دابا فدوري ابطال افريقيا وهاد المسابقة هي المفضلة عندنا".