سامبو: كنطلب المسامحة من جماهير الوداد حيث توقفت وحنا غنتقاتلو باش نتأهلو إلى دومي فينال العصبة

أكد جونيور سامبو لاعب الوداد الرياضي أن الفريق غيتقاتل باش يربح سيمبا التنزاني غدا الجمعة، في ربع نهائي عصبة أبطال إفريقيا لكرة القدم والتأهل إلى دومي فينال المسابقة.
وتحدث سامبو، خلال الندوة الصحافية اللي كتسبق ماتش الوداد الرياضي وسيمبا التنزاني، وقال: كنعتذر حيث غبت على ماتش الذهاب بسبب العقوبة، درنا كلشي فالمباراة ولكن خسرنا".
وزاد هداف الوداد وقال: "حنا كنوجدو مزيان لماتش الروتور، وغنتقاتلو باش نربحو ونتاهلو إلى دومي فينال العصبة وعندنا حظوظ كبيرة وحنا جاهزين ذهنيا ونفسيا".