سيمبا غادي يلعبو ماتش العمر أمام الوداد وعدد الجماهير اللي غيكون فالتيران بدار السلام كبير والوداديين حاضرين

غيعرف الماتش بين الوداد الرياضي وسيمبا التنزاني حضور جماهيري كبير من التنزانيين بدار السلام، برسم ذهاب ربع نهائي عصبة أبطال إفريقيا والفريق التنزاني والمشجعين ديالو كيعتبرو المباراة ضد الحمرا أنها ماتش ديال العمر.
وخصصت إدارة سيمبا التنزاني عدد كبير من التذاكر للماتش أمام الوداد الرياضي وتم تحديد أثمنة تذاكر الماتش إبتداء من 3 دولار، ومن المنتظر يكون حاضر 57 ألف متفرج في ملعب بنيامين ماكابا بدار السلام، وطبعا حتى الجماهير الودادية ديبلاصات باش تشجع الحمرا وغتوكون حاضرة في اللقاء.
وغيبدا الماتش بين الوداد الرياضي وسيمبا التنزاني غدا السبت مع 4 العصر بتوقيت تنزانيا وهي 1 ديال الظهر بتوقيت المغرب، والحمرا غتدخل باش تربح وترجع بنتيجة إيجابية في انتظار ماتش الروتور بالمغرب لحسم التأهل إلى نصف نهائي عصبة أبطال إفريقيا.