سيمبا بداو كيبيعو تذاكر ماتش الوداد وكيغريو جمهورهم باش يجي للتيران

بدا سيمبا التنزاني كيحشد الجماهير ديالو وكيحفزهم باش يحضرو للقمة ديالو أمام الوداد الرياضي في ذهاب ربع نهائي دوري أبطال إفريقي، اللي غتلعب السبت الجاي بتيران بينجامين ماكابا بدار السلام.
وطرحت إدارة سيمبا التنزاني تذاكر ماتش ذهاب ربع نهائي عصبة أبطال إفريقيا بين فريقها والوداد الرياضي، وحددت ثمن التذكرة إبتداء من من 5000 شلن تنزاني، الرقم كيبان كبير ولكن راه نسبة التضخم مرتفعة بتنزانيا بزاف حيث 5000 شلن تنزاني كتساوي فقط ما بين 20 و 22 درهم مغربي.
المسؤولين ديال سيمبا محتاجين لدعم الجماهير وقرروا يخصصوا امتزيات للجماهير باش يحفزوهم يجيو للتيران يشجعوا فريقهم ضد الوداد الرياضي بطل إفريقيا، وغيستفد اللي غيشري تذكرة المباراة من النقل فابور نهار الماتش ومشروبات وامتيازات أخرى خلال المباراة وكل ما تزادت قيمة التذكرة تزادت الامتيازات اللي معها.