سيمبا خصم الوداد فعصبة أبطال إفريقيا ربح ديربي تنزانيا

حقق سيمبا التنزاني خصم الوداد الرياضي فعصبة أبطال إفريقيا، الرباح على الغريم ديالو يانك أفريكانز فبطولة تنزانيا اليوم الأحد، وهذا الشي قبل أيام قليلة من مواجهة الواك بربع المسابقة الإفريقية.
سيمبا قدر يحسم ديربي تنزانيا اللي تلعب بتيران بنجامين مكابا بدار السلام وماركا هدفين على يانك أفريكانز، وزرب عليه بهدف أول في الدقيقة الأولى من الماتش ماركاه إنزنكا باكا، والهدف الثاني ماركاه دينيس كيبو في الدقيقة 31.
سيمبا ومن بعد هذا الرباح صبح الرصيد ديالو 62 نقطة وكيحتل المركز الثاني، أما بانك افريكانز وبالرغم من الخسارة ظل متصدر البطولة التنزانية برصيد 68 نقطة.
للإشارة فالوداد الرياضي بطل إفريقيا غيحل ضيف عند سيمبا بدار السلام السبت الجاي فماتش غيبدا مع 1 د النهار بالتوقيت المغربي و 4 ديال العشية بتوقيت تنزانيا، برسم ربع نهائي عصبة أبطال إفريقيا.