مدرب سيمبا كاعي واخا ربح حيث عارف الروتور صعيب: الفوز على الوداد بواحد ما كافيش

اعترف البرازيلي روبيرتو أوليفيرا مدرب سيمبا التنزاني أن الرباح الصغير اللي حقق الفريق ديالو في ذهاب ربع نهائي عصبة أبطال إفريقيا على الوداد الرياضي اليوم السبت، لن يكون كافي لتسهيل مهمة الفريق في الروتور بالمغرب حيث الخصم قوي وهو بطل إفريقيا.
المدرب روبيرتو أوليفيرا اعتبر أن اللاعبين ديال سيمبا لم يستغلوا الفرص اللي جاتهم في ظل الظروف الصعبة اللي تجمعت على الوداد خلال الماتش باش يزيدو أهداف أخرى، وأن واحد لزيرو اللي ربحو به ما كافيش لتجاوز الواك والتأهل إلى دومي فينال ووجه عتاب للاعبيه.
وتحدث مدرب سيمبا من بعد الماتش وقال: "الفوز بهدف واحد على الوداد ما كافيش، راه كان خاصنا نزيدو أهداف أخرى وضيعنا بزاف ديال الفرص، مفرود علينا نبدلو الأسلوب راه لاطاك ديالنا كان ناقص اليوم وماشي في المستوى".
حظوظ الوداد الرياضي في ماتش الإياب قوية للتأهل إلى نصف النهائي حيث المباراة غتلعب بستاد دونور، والفريق الأحمر مطالب أنه يربح بنتيجة 2 لزيرو على الاقل للتأهل إلى الدومي فينال.