جريمة خايبة هزات نيويورك.. قتل 4 ديال الناس من عائلة وحدة بالموس

فاقت ميريكان نهار الاحد، على واحد الجريمة خايبة مشاو فيها 4 د الناس من عائلة وحدة، فنيويورك، 2 منهم من دراري صغار ، وتسببات فالإصابة ديال 2 بوليسيين.
البوليس ديال نيويورك قال أنه قتل المشتبه به مللي هاجمهم بعد الفعلة ديالو.
ودخل البوليس لواحد الدار ولقاو 2 دراري صغار وراجل عندو 42 عام ومرا عندها 31 عام، غارقين فدماياتهم بعدما تعرضو لطعنات بالموس.
البوليس د ميريكان كيقول بللي دابا داير أونكيط في الجريمة باش يكشف على الأسباب ديالها، وكيرجح أن القضية فيها شي مدابزة عائلية.