تيسودالي تألق وعتق الفريق ديالو من خسارة حقيقية مع بلال الخنوس وصحابو

عتق النجم المغربي طارق تيسودالي فريق جينت من خسارة محققة اليوم الاحد، أمام جينك اللي كيلعب معه النجم المغربي الشاب بلال الخنوس فقمة البطولة البلجيكية.
الماتش المندرج ضمن الدورة 16 من بطولة بلجيكيا، سالا تعادل بين الفريقين، وكان يريحو بلال الخنوس وصحابو فطريقهم الرباح ولكن طارق تيسودالي حرمهم من الفوز، وتعادلو بنتيجة 2 لجوج، وكانو جينت هما الأوليان اللي ماركاو بهدف لطارق تيسودالي فالدقيقة 16، وتعادلو بعدها جينك فالدقيقة 21 بواسطة ييرا سور، ورجع نفس اللاعب ضرب لهم الهدف الثاني فالدقيقة 51، وملي كانوا فطريقهم للرباح خرج لهم طارق تيسودالي مرة اخرى وماركا التعادل لجينا فالدقيقة الأخيرة من الماتش.
وبهاد المستوى اللي قدم طارق تيسودالي قدر يعتق جينت من خسارة حقيقية، والفريق خدا نقطة رفع بها الرصيد ديالو إلى 29 نقطة، وكيحتلو المركز الثالث فبطولة بلجيكا، وجينك فريق بلال الخنوس كيحتلو المركز السابع وعندهم 24 نقطة.