المغاربة محيحين فبلجكيا: الخنوس وايت الحاج ساهمو فرباح جينك البلجيكي وبنتيجة كبيرة

كيتواصل تألق اللاعبين المغاربة فالبطولة البلجيكية، وهاد المرة حيح بلال الخنوس وأنور آيت الحاج مع فريق جينك وساهمو فالرباح ديالو على ميشيلن وبنتيجة كبيرة.
الماتش بين جينك وميشيلن اللي تلعب اليوم الاحد، فتيران سيجكيا أرينا ضمن الدورة 11 من البطولة البلجيكية، سالا لمصلحة جينك بنتيجة 4 لزيرو، وكانت البصمة المغربية حاضرة بجوج ديال الأهداف.
وماركا بلال الخنوس الهدف الثالث لجينك فالدقيقة 75 من الماتش، وزاد أنو أيت الحاج الهدف الرابع فالدقيقة 90، وهاكدا تألقو فالمواجهة، اللي هدا منها الفريق 3 بوان خالتو ياخد المركز 4 برصيد 18 نقطة.