أرقام كتخلع ديال مرضى الزهايمر فالصبليون.. مسؤول: غادي نوصلو ل3.6 مليون مريض

حذر رئيس الاتحاد الصبليوني لمرض الزهايمر وأنواع الخرف الأخرى، ماريلو ألماجرو، من كون العدد ديال الناس لي مراض بيه غادي تضاعف 3 دالمرات من هنا ل2050، وغادي يوصل ل3.6 مليون واحد مريض.
هاد المسؤول، كشف على واحد الرقم كيخلع بخصوص عدد المرضى، ولي كيقول أنه بين 100 ألف و200 ألف واحد كل عام.
واخا هادشي، كيقول هاد السيد أن الوضعية كتزيد كتخلع حيت كيتزاد المرض بواحد السرعة خطيرة، وحتى السلطات في البلاد معندهاش معطيات دقيقة على كيفاش كينتاشر.
بخصوص الدوا، كيقول هاد المسؤول أن العالم دابا كيجري باش يلقا شي دوا لي يقدر يهاجم المرض نيشان ويثقل الانتشار ديالو في الدماغ، وماشي يعالج غير الأعراض ديالو.