الوداد سالاو تداريبهم فبنجلون ومشاو يتعشاو وكلهم واجدين باش يشدو الطيارة لجنوب إفريقيا

سالاو الوداد الرياضي الاستعدادات ديالهم فالمغرب باش يسافرو لجنوب إفريقيا يلعبو ضد ماميلودي صن داونز الجنوب إفريقي، الويكاند الجاي ضمن إياب فينال السوبر ليك الإفريقي.
ودارو الوداد الرياضي آخر حصة تدريبة هاد العشية فتيران بنجلون ودازت فأجواء حماسية وزوينة، وملي سالاو خداو الكار ومشاو للفندق اللي كيبركو فيه وسط كازا باش يتعشاو، وبعدها غيمشيو لمطار محمد الخامس باش يشدو الطيارة لجنوب إفريقيا هذه الليلة.
الحصة التدريبية عرفت مشاركة كاع اللاعبين بما فيهم يحيى جبران اللي غايب على الروتور فجنوب إفريقيا بسبب التوقيف وغيمشي معهم باش يدعم الفريق للتتويج باللقب ويهز الكأس، فالوقت اللي تدرب فيه منتصر الحتيمي بوحدو وغيمشي حتى هو مع الفريق في انتظار قرار الطاقم الطبي واش يلعب أو لا.