بحضور جميع اللاعبين.. رمزي وجد الوداد لفينال السوبر ليك وباغيين يربحو لاكوب ويهديوها لروح فلوح وكاع الوداديين

سالاو الوداد الرياضي الإستعدادات ديالهم لمواجهة ماميلودي صن داونز الجنوب أفريقي غدا الاحد، ضمن ذهاب فينال السوبر ليك الافريقي فستاد دونور.
الوداد الرياضي دارو اليوم السبت فالعشية أخر حصة تدريبية قبل الماتش ضد ماميلودي صن داونز، وكانت فتيران بنجلون فكازا، وعرفت حضور جميع اللاعبين.
وخدم المدرب عادل رمزي خلال الحصة التدريبية مع اللاعبين على الخطة باش غيلعبو ضد ماميلودي صن داونز، ودار معهم آخر الروتوشات قبل المواجهة.
الحصة التدريبية كانت حماسية واخا مازال اللاعبين فقلبهم الحزن على وفاة صاحبهم أسامة فلوح، ولكن كانوا مركزين باغيين يهيديو للروح ديالو الرباح ولاكوب ويفرحو كاع الوداديين.