الوداد واجدين لماتش إنييمبا.. الحمرا كيواجهو عائق فنيجيريا وعادل رمزي واللاعبين مستعدين يتعاملو معاه ويرجعو بالرباح للمغرب

سالاو الوداد الرياضي الاستعدادات ديالهم لمواجهة فريق انييميا النيجيري، غدا الاحد فنيجيريا ضمن ذهاب ربع نهائي السوبر ليك الافريقي.
ودارو الوداد الرياضي آخر حصة تدريبية قبل الماتش هذه العشية، وفيها دار المدرب عادل رمزي آخر الروتوشات مع اللاعبين ووجد معهم للسيستيم اللي غيلعبو به ضد إنييميا.
عادل رمزي والطاقم ديالو، استغلو كذلك اجراء الحصة التدريبية فتيران "كود ويل أكبابيو" فمدينة أويو النيجيريا، والتوقيت ديالها، باش يخلي اللاعبين يولفو على الجو حيث الرطوبة طالعة.
تفاعل لاعبين الوداد الرياضي كان إيجابي والأجواء داخل الفريق إيجابية وزوينة بزاف، واللاعبين مشاو للفندق وهما ناشطين وتركيزهم طالع، ومعولين غدا يديرو نتيجة ايجابية باش يرجعو يحسمو التأهل للدومي فينال فكازا.