ها بروكرام الوداد فجنوب إفريقيا استعدادا لفينال السوبر ليك ضد صن داونز

حدد عادل رمزي مدرب الوداد الرياضي برنامج الوداد الرياضي استعدادا لمواجهة فريق ماميلودي صن داونز الجنوب إفريقي يوم الاحد الجاي، ضمن إياب فينال السوبر ليك الإفريقي فبريطوريا بجنوب إفريقيا.
وبرمج عادل رمزي 3 حصص تدريبية غيديروها الوداد الرياضي فجنوب إفريقيا، ابتداء من يوم غدا الخميس غيحيدو فيها اللاعبين عيا السفر، والأخيرة غتكون يوم السبت، وهي باش غيختمو الاستعدادات للمباراة.
اما بالنسبة للاستعدادات فالمغرب، فغتكون آخر حصة تدريبية للفريق فتيران بنجلون قبل السفر اليوم فالعشية، وبعدها غيشدو الواك الطريق فطيارة خاصة من مطار محمد الخامس إلى جنوب إفريقيا.
وبالنسبة للحالة الصحية ديال لاعبين الوداد الرياضي فكل العناصر بخير باستثناء منتصر الحتيمي اللي صعيب يكون لاعب فالفينال تما ضد صن داونز بسبب الإصابة ديالو فماتش الذهاب، ولكن غيسافر مع الفريق بحالو بحال جبران اللي موقف وغيمشي يدعم صحابو لتحقيق الرباح وباش يهز لاكوب.