سعيد الناصيري موتيفا لاعبين الوداد وطلع لهم المورال قبل فينال السوبر ليك باش يربحو لاكوب ويفرحو الوداديين والمغاربة

بادر سعيد الناصري رئيس الوداد الرياضي لتحفيز لاعبين الفريق الأحمر باش يتقاتلو على لاكوب السوبر ليك الإفريقي أمام صن داونز الجنوب إفريقي فالفينال اللي غيتلعب الذهاب ديالو بين الفريقين اليوم الاحد.
ودار سعيد الناصيري زيارة لفندق الوداد الرياضي بالدار البيضاء وتلقا لاعبين الفريق والطاقم التقني ودوا معهم وطلع لهم المورال قبل مواجهة صن داونز فالفينال.
البريزيدون ديال الوداد الرياضي حفز اللاعبين وأكد لهم بلي خصص لهم بريم كبير مقابل أنهم يربحو الفينال ضد صن داونز ويجيبو لاكوب للمغرب يفرحو به كاع الوداديين والمغاربة، ويهديوه لروح صاحبهم أسامة فلوح.
وداوم سعيد الناصيري رئيس الوداد الرياضي على تحفيز الفريق واللاعبين فهاد المناسبات، باش يتقاتلو ويريحو الالقاب ويفرحو الوداديين ويشرفو المغرب والمغاربة.