ها فين باغيين الرجاء يلعبو ماتشاتهم بعدما تسد دونور

حددو الرجاء الرياضي التيرانات فين باغيين يبداو يدخلو الماتشات ديالهم فالبطولة الاحترافية حيث ستاد دونور صافي تسد، باش يتصلح استعدادا لكأس إفريقيا 2025.
مصادر مطلعة كشفت أن المكتب المديري للرجاء الرياضي باغي يستقبل ماتشات الفريق فالبطولة فتيران البير جيكو فكازا أو تيران برشيد، وراسل السلطات ديال المدينتين وكيتسنا الموافقة على الطلب ديالو.
وكواجهو فرق الدار البيضاء الرجاء والوداد تحدي كبير هذا الموسم والموسم الجاي، بسبب ستاد دونور اللي صافي تسد لمدة 15 شهر باش يتصلح وخاصهم يلقاو فين يلعبو الماتشات ديالهم.