ماتش أولمبيك آسفي والرجاء ملعوب إما في خريبكة اومراكش

كيتسناو أولمبيك آسفي قرار من تيران الفوسفاط فخريبكة وتيران مراكشي باش يلعبو فواحد منهم مع الرجاء الرياضي السبت الجاي، برسم الدورة 7 من البطولة الاحترافية لكرة القدم.
وكشفت مصادر "كود" أن إدارة أولمبيك آسفي مازال كتقلب على تيران فين يستقبل الفريق ديالها الرجاء الرياضي، حيث تيران المسيرة مسدود بسبب الإصلاح ديال الكازون اللي كيخضع لعملية موسمية بزرع بذور الشتا استعدادا لموسم الشتاء.
نفس المصادر، وضحت أن الفريق كان باغي يستقل فتيران الزمامرة ولكن حتى هو كيتصلح، فالوقت اللي ما خداوش موافقة باش يلعبو فتيران العبدي فالجديدة، ودابا كيتسناو موافقة اما تيران خريبكة أو مراش باش يلعبو الماتش ضد الرجاء الرياضي.