لقجع: ها امتى غنبداو نبنيو التيران الكبير ديال كازا.. وها شكون غيختار عدد الماتشات اللي غياخد كل من المغرب وإسبانيا والبرتغالي فمونديال 2030

غيبدا العمل فبناء تيران الدار البيضاء الكبير المرشح لاستضافة فينال مونديال 2030، مع نهاية عام 2023.
وكشف فوزي لقجع رئيس الجامعة الملكية المغربي لكرة القدم اليوم السبت فمركز محمد السادس لكرة القدم بالرباط، خلال مراسيم الندوة توقيع خطاب النوايا لاستضافة نهائيات كأس العالم 2030، وقال: "التيران الجديد للدار البيضاء غتبدا فيه الأشغال مع نهاية ديسمبر والمدة ديالها عامين".
وغتكون مجموعة من المعايير فاختيار شحال من ماتش غياخد كل من المغرب واسبانيا والبرتغالي فتنظيمهم لمونديال 2030، وشحال عدد الماتشات المهمين اللي غياخد كل واحد فيهم.
وقال لقجع: "البرتغال حددت ثلاثة ملاعب لإستضافة كأس العالم و لجان تقنية هي اللي غتحدد عدد المباريات اللي غتقام فكل بلاد".