وهبي: لقينا وسيلة عطاتها لينا شركة ب10 دراهم للنهار كاديرها المرا فالصاك فاش يقرب ليها راجلها يعنفها كاضغط عليها وكيجيو البوليس ديك الساعة

قال عبد اللطيف وهبي، وزير العدل، إنه لقا وسيلة جديدة باش يمنعو العنف ضد النساء، جابتها شركة مقابل 10 دراهم لليوم، بحيث "كاديرها المرا فجيبها ولا فصاكها ويلا قرب ليها راجلها يعنفها كاضغط عليها وكيجي البوليس".
وأضاف وهبي، خلال لقاء المفتوح لمركز الحوار العمومي والدراسات المعاصرة، اليوم بفاس، حول موضوع: "العقوبات البديلة في عمق ورش إصلاح العدالة"، أنه راجع القانون الجنائي كله لتحديد النصوص اللي غايكون فيها العقوبات البديلة،
وتحدثت وهبي عن ايجابيات القيد الالكتروني (البراسلي)، بمثال :" يلا ديتو مول شركة بشيك رصيد للسجن الشركة غاتنهار ويمشيو العاملين فخسارة. في حين يلا دار ليه القاضي البراسلي كيحدد ليه خط فين يمشي، من دار للشركة .
وأوضح وهبي :"مثلا شخص اعتدى على الزوجة ديالو كنديرو ليه براسلي ممنوع عليه يمشي للدار وفاش يقرب كنعرفو يقرب وكيجيو ليه البوليس"، مضيفا :"لقينا وسيلة أخرى عطاتها لينا شركة ب10 دراهم للنهار، كاديرها المرا فالدار فاش تعرض للعنف كاضغط عليها وكيجيو البوليس ديك الساعة".
وقال وهبي :"منذ مجيئي لوزارة العدل افرجت على 296 سجينا وعندي 4 حالات عود طلقتهم ودارو مشاكل ورجعتهم، لأنه كيتخوفو من الافراج المؤقت، مسؤولية الوزير يطلقو".
وأكد وزير العدل بأن المنطق السائد في المغرب هو اللي دار شي حاجة نديوه للحبس، وهاد المناطق مبقاش خدام.
وتابع الوزير :"جوج دابزو عندهم شركة غير بيناتهم كيتفقو كيتصالحو وكتبقا المحكمة تابعهم بالحبس ورغم انهم تصالحو ولاش باقي تابعاهم المحكمة، لذلك فالقانون الجنائي درنا يلا وقع المصالحة مغاتبقاش المتابعة لأن المغاربة معايشين مع بعضياتهم".