مدرب إنييمبا: ما بغيتش ندوي على مشكل الطيارة.. حنا كنوجدو وغنتقاتلو ضد الوداد

ما بغاش مدرب إنييمبا النيجيري يدير شي سبا بمشكل الطيارة ديال الفريق وتأخرها فالوصول إلى المغرب باش يلعبو مع الوداد إياب ربع نهائي السوبر ليك الأفريقي، وأكد أن الفريق ديالو غيتقاتل ضد الحمرا باش يربح.
وتحدث مدرب إنييمبا فينيدي جورج خلال الندوة الصحافية اللي كتسبق الماتش مع الوداد وقال: "ما بغيتش ندوي على مشكل الطيارة، حنا دابا غنستغلو الوقت اللي عندنا باش نرتاحو، ونوجدو للوداد وهدفنا هو نربحوهم".
وأكد مدرب إنييمبا: "فماتش الذهاب واخا لعبنا ما حققناش النتيجة اللي بغينا، ولكن جينا للمغرب باش نديرو نتيجة مزيانة وغتقاتلو مع الوداد".