بايرن ميونخ: نصير مزراوي طلع براءة من اتهامات الإرهاب.. اللعاب غيبقى معنا فالفريق وها علاش

تحداو بايرن ميونخ الألماني المطالبين ديالهم باش يجريو على نصير مزراوي، بسبب الموقف ديالو المساند للفلسطينيين، وقرر النادي الألماني يخليه فالفريق، وهذا بعد الموجة اللي تدارت ضدو من طرف الإعلام الألماني اللي اتهموه بالتطرف.
وعلن بايرن ميونخ الألماني غير دابا من صباح اليوم الجمعة، من خلال الرئيس التنفيذي ديالو جان كريستيان دريس، أن نصير مزراوي غيبقى مع الفريق وما غيمشيش بحالو، غير هو غيغيب فالماتش الجاي بسبب الإصابة اللي كيعاني منها.
المسؤول ديال بايرن ميونخ قال أيضا: "نصير مزراوي أكد لنا بمصداقية أنه كشخص محب للسلام كيرفض الإرهاب والحرب بشكل حازم وما قصدش التسبب فأي إزعاج من خلال منشوراتو، وأنه ضد كل الإرهاب والمنظمات الإرهابية".