وليد الركراكي: داكشي ديال منتخب كبير وصغير ما بقاش.. خاصنا نربحو ليبيريا ونبينو شنو عندنا

اكد الناخب الوطني وليد الركراكي ان الماتش ديال غدا ضمن الجولة الاخيرة من كاس أفريقيا ضد ليبيريا ما غيكونش ساهل، وان هذاكشي ديال منتخب صغير وكبير ما بقاش فلافريك، وان اللاعبين خاصهم يبينو نيفو آخر ضد ليبيريا حسن من ماتش الكوت ديفوار
وتحدث وليد الركراكي فالندوة الصحافية اللي كتسبق ماتش المغرب وليبيريا، وقال: " اللاعبين خاصهم يبينو وجه آخر فالتيران ديالنا، وخاصنا نشوفو الخدمة اللي كنديرو فالتداريب، وغندخلو نربحو باش. نساليو الاقصائيات متصدرين".
وكمل الناخب الوطني وقال: "ما كاينش ماتش ساهل وهداكشي اللي كنقولو منتخب ساهل ومنتخب صغير وكبير ما بقاش فلافريك، وماتش غدا غيكون صعيب".