مدرب ليبيريا: الماتش ضد المغرب صعيب راه عندهم واحد من أحسن المنتخبات فالعالم

أكد مدرب ليبيريا أنسو كيطا، أن الماتش ديال منتخب بلادو ضد المغرب برسم الجولة الأخيرة من اقصائيات كاس أفريقيا، اللي غيتلعب غدا فأكادير غيكون صعيب بزاف عليه هو اللاعبين ديالو.
وتحدث مدرب ليبيريا فالندوة الصحافية اللي كتسبق ماتش المنتخب ديالو مع المنتخب المغربي، وقال: "هاد الماتش مهم عندنا راه المنتخب المغربي واحد من أحسن المنتخبات فلافريك وفالعالم، وهذا الشي غيخلينا نديرو اللي فجهدنا فالماتش معه".
وكمل المدرب الليبيري وقال:"اللعب ضد المغرب صعيب، ولكن حنا عندنا الثقة فريوسنا وواخا عندنا لاعبين شباب عندنا حتى لاعبين مجربين، وغنعطيو كاع اللي عندنا فهاد الماتش".