بسباب واحد المرض نادر.. بنت عندها 6 سنين غادي تكمل حياتها غير بنص دماغ

بريانا بودلي، بنت صغيرة عندها غير 6 سنين، غادي تعيش مسكينة لي تبقى ليها من حياتها غير بنص دماغ صافي، بعدما حيدو ليها الأطباء النص لاخر، بسبب واحد المرض دماغي نادر.
على حساب مقالات بزاف د التقارير الميريكانية، فهاد المرض النادر سميتو التهاب راسموسن الدماغي، وهو واحد المرض كيصيب الأعصاب.
كتقول ماماها، أنها ف الأول كان كيصحاب ليها فيها غير ليبيلبسي لي هو الصرع، ولكن من بعد ما جربات كاع الدوايات ومادارو ليها والو، اكتاشفات أن بنتها فيها هاد المرض الخطير.
من جيهتو، كيقول الدكتور آرون روبيسون، من جامعة لوما ليندا، أنهم دارو هاد العملية باش يفصلو نصف الدماغ على النص لاخر، هاكا غادي يحبسو المرض وميخليوهش ينتاشر ويضر ليها الدماغ كلو.