جوج عرسان بداو حياتهم بالكريدي ومول الريستو لي دارو فيه العرس مخلصوهش فرزقو ومشاو يدوزو شهر العسل

جوج يالاه تزوجو وبداو حياتهم الجديدة وهما غارقين فالكريديات، وفبلاصة ميخلصو الدين لي عليهم مشاو يدوزو شهر العسل فألمانيا، والريستو لي دوزو فيه العرس مخلصوهش وبقا كيتسالهم زبابل ديال الفلوس.
هاد جوج تزوجو فاللخر ديال شهر9 ففروزينوني، جنوب شرق روما، وملي تكاتبو دارو حفلة وعرضو على 80 واحد فريستو ديال ''لا روتوندا'' النموذجي، وملي سالا العرس، مول ريستو جا يتخلص، لقا العروسة والعريس هربو خارج البلاد وماخلصوهش.
مول الريستو ملي مشا للدار لي كيسكنو فيها العرسان وملقاهمش، سول الجيران ديالهم وعرف أنهم مشاو لألمانيا فاش سالا العرس، وديك ساعة مشا ديكلارا عند البوليس، للي بداو التحقيق.