ردو البال.. أوروبي تعرض للنصب باش ياخد وراق جزر الكاريبي

جوج ديال النصابا نصبو على راجل أوروبي، وخداو ليه زبابل ديال الفلوس باش ياخد جنسية وهمية ديال شي جزيرة فالمحيط الهادئ.
هاد الأوروبي كان كيقلب على باسبور ديال سفر يخليه يدخل لبزاف ديال الدول، ومشا عند هاد نصابا لي نصبو عليه ودارو براسهم وكلاء فمنطقة الشرق الأوسط ديال دولة "كيريباني"، وعندهم شركة مختصة فاستخراج الوثائق ديال الدولة.
خلص زبابل ديال لفلوس باش ياخد باسبور بسميتو ولاكارط ناسيونال، وعطاوه استمارة بنكية، وشهادة جنسية، ورخصة ديال سوݣان، ولكن عاق بلي كلشي مزور ملي سالات ليه الصلاحية ديال الباسبور، وديك ساعة مشا عند البوليس وديكلارا بيهم.