صالير مضوبل 367 مرة.. باطرون شركة صيفط زبابل ديال الفلوس لموظف ومبغاش يرجعهم ليه!!

موظف تخلص بالخطأ 367 ضعف الصالير لي كيشد كل شهر، ورفض أنه يرجع لفلوس لي صيفطاتهم ليه الشركة بالخطأ.
هاد الراجل دوز مدة قصيرة فشركة لي كينا فمدينة كابوشفار، وكان كيتخلص كل شهر 260 دولار، والباطرون ديالو فالخدمة حط ليه زبابل ديال الفلوس فلكونط ديالو.
ملي مول الشركة عاق براسو زبلها، عيط للسيد وطلب منو باش يرجع ليه الفلوس لي صيفطها ليه فلكونط ديالو غير بالخطأ، ولكن هاد خونا مبغاش يرجع ليه الفلوس، وهو يعيط ليه للبوليس ودارو ليه تهمة الاستيلاء غير المشروع على الأموال، ويقدر يخلص فيه غرامات ديال بصح.