أيوب العملود فلائحة وليد الركراكي الأولية للمنتخب المغربي

كينافس ايوب العملود لاعب الوداد الرياضي باش يرجع للمنتخب الوطني المغرب، ويكون خلال المعسكر المقبل د ليكيب ناسيونال.
وحسب مصادر "كود" فألظهير الايمن د الوداد أيوب العملود كاين فاللائحة الأولية ديال المنتخب الوطني المغربي بقيادة المدرب وليد الركراكي للمعسكر المقبل، اللي غيعرف مواجهة الأسود للكوت ديفوار وديا وليبيريا فماتش اقصائيات كاس افريقيا، في انتظار يحسم الناخب الوطني فاللائحة النهائية د اللاعبين اللي غيجيو.
ورجع أيوب العملود للتألق بشكل لافت خلال الماتشات الاخيرة مع الوداد الرياضي محليا وأفريقيا، وساهم فرباح د الوداد فعدد من المناسبات، وراه وليد الركراكي كيعرفو مزيان حيث فايت له دربو فالواك، واللاعب حتى هو كيعرف الاجواء ديال ليكيب ناسيونال حيث سبق له وكان كيمشي خلال مرحلة الناخب السابق وحيد حاليلوزيتش.