عادل رمزي: لاعبين الوداد كيتطورو وبداو كيستوعبو طريقة اللعب وبينو هذا الشي ضد السوالم فماتش صعيب

أكد عادل رمزي مدرب الوداد الرياضي، أن الفريق الأحمر غادي وكيتحسن واللاعبين كيطورو، وهاد الشي بينوه فالماتش اللي ربحوه أمام السوالم، البارح الخميس، برسم الدورة 3 من البطولة الاحترافية، واخا المباراة كانت صعيبة.
وتحدث عادل رمزي فتصريح له بعدما ربحو الوداد السوالم بواحد لزيرو، وقال: "كاين تحسن فالتنظيم ديال الفريق، واللاعبين بداو كيستوعبو الطريقة باش باغيين نلعبو، وهذا الشي بان اليوم فماتش كان صعيب مع خصم مزيان ومنظم وحتى حنا بقينا مركزين".
وكمل عادل رمزي وقال: "في كرة القدم كتقدر تجيك فرصة وحدة، وهذا الشي لوقع، جاتنا فماتش اليوم ضد السوالم فرصة ماركيناها وخدينا 3 نقاط".