أيوب الكعبي كيزيد يتألق مع أولمبياكوس ويماركي الاهداف

كيواصل الدولي المغربي أيوب الكعبي التألق مع أولمبياكوس اليوناني، وماركا له هدف جديد اليوم الخميس، وهذه المرة على فرايبورك الألماني ضمن منافسات اليوربا ليك.
وكانو أولمبياكوس خاسرين بواحد لزيرو، ولكن قدر أيوب الكعبي يرجعهم فالماتش بهدف فالدقيقة 40، قبل ما يرجعو الالمانيين ويماركيو الهدف الثاني من بيلانتي.
هدف المهاجم المغربي أيوب الكعبي فماتش اليوم اللي مازال بادي، هو الهدف الخامس له حتى لدابا مع أولمبياكوس اليوناني، اللي جا له قبل أسابيع قليلة من دابا ودار بلاصتو دغيا مع الفريق.