كأس محمد السادس.. الوداد جابت التعادل من المريخ

حقق الوداد البيضاوي نتيجة إيجابية بعدما رجع بالتعادل أمام المريخ السوداني بهدف لمثله في مسابقة كأس محمد السادس للأندية العربية.
مهمة الوداد ماكانتش ساهلة، لحقاش تلقى هدف في الدقيقة الرابعة بعدما سجل وليد الكراتي بالخطأ في مرمى زميله رضا التكناوتي.
وهاد الهدف لي تماركا على الوداد في البداية ما برزتش لعابة وبقاو متحكمين في الماتش حتى تعادلو من بيلانتي ماركاه محمد الناهيري من ضربة جزاء. وقبل منها ازكل أيوب الكعبي بيلانتي.
المريخ السوداني بين على إمكانياته وكان قريب باش يماركي الثاني ولكن الحارس التكناوتي كان حاضر وقبط بزاف ديال الكرات الخطيرة.
دابا الماتش لي غادي يكون في ملعب مركب محمد الخامس في الدار البيضاء يقدر يكون ساهل للوداد، لحقاش خاصها إما التعادل بزيرو لزيرو ولا ترباح.