المغرب وبلجيكا رجعو زيرو لزيرو لفيستيير والاشتباه فلوجع ورا تغيير بونو

سالا الشوط الأول ما بين المنتخب الوطني المغربي وبلجيكا تعادل زيرو لزيرو فالماتش اللي بادي دابا ضمن الجولة الثانية من كأس العالم قطر، وماركا حكيم زياش هدف وحيدو الحكم من بعدما رجع الفار بداعي التسلل.
وتعذر على ياسين بونو يشارك مع المنتخب الوطني المغربي فالماتش ضد بلجيكا اللي بادي دابا فالجولة الثانية من كأس العالم قطر 2022، وتغير بشكل مفاجئ قبل ما يبدا الماتش من بعدما حضر لعزف النشيد الوطني، ودخل بلاصتو منير المحمدي.
وحسب المعلومات اللي كاينا فالتيران ديال الماتش كان بونو غادي يلعب وكلشي عادي ولكن حس بشي وجع مفاجئ الشي اللي فرض على وليد الركراكي يبدلو ويدخل منير المحمدي فبلاصتو.
للإشارة فالشوط الأول سالا ما بين المغرب وبلجيكا زيرو لزيرو والتغيير ديال ياسين بونو إلى حدود الآن ما مأثرش على المنتخب الوطني المغربي ومنير المحمدي لاعب مزيان.