الشيخة موزا ورجلها بات أمير قطر شجعو المغاربة فالتيران وهزو الراية المغربية

كان حاضر الأمير السابق ديال قطر حمد بن خليفة الأب ديال الأمير الحالي تميم بن حمد ومراتو الشيخة موزا فماتش المغرب ضد كرواتيا اليوم فكأس العالم وشجعو المنتخب الوطني المغربي.
وبان الاب والام ديال أمير قطر فالتيران كيتفرجو وهازين الضرابو ديال المغرب الفوق، وكيشجعو مع الجمهور المغربي فاللعابا ديال ليكيب ناسيونال، وبداو كيحيو فالمغاربة اللي كانوا معهم فتيران "البيت" اللي تلعب فيه الماتش.
وحتى امير قطر كان حاضر وتفرج فالماتش وتصور مع بودريقة.
للإشارة فالماتش ما بين المغرب وكرواتيا سالا تعادل زيرو لزيرو عن الكروب 6، فانتظار الماتش الثاني ضد بلجيكا الأحد الجاي ومن بعدو كندا.