الوداد مرشح يربح ملايين الدولارات فالسوبر ليك

قرر الاتحاد الافريقي لكرة القدم يرفع من قيمة الجوائز ديالو للفرق اللي غتشارك فمسابقة السوبر ليك الافريقي، اللي لاعبين فيها الوداد الرياضي كممثل لكرة القدم المغربية، إلى جانب 7 فرق افريقيا اخرى.
وكشف الاهلي المصري غير دابا، أن وفد من النادي دار اجتماع مع اللجنة المنظمة لمسابقة السوبر ليك الافريقي اليوم الاثنين، وخلال هذا الاجتماع قالت لهم اللجنة ان اللي غيربح البطولة غياخذ جائزة 4 مليون دولار.
أما وصيف بطل السوبر ليك الافريقي، فحسب الاهلي المصري، غياخذ 2 مليون و800 ألف دولا، والمتأهل لنصف النهائي غياخذ مليون و700 ألف دولار، والفرق المشاركة فالثمانية المشاركة فالبطولة غتاخذ 900 ألف دولار.
وكيتعتبر الوداد الرياضي من المرشحين للتتويج بمسابقة السوبر ليك الافريقي فنسختها الاولى، اللي غتبدا فأكتوبر المقبل وغتسالي فنونبر بمشاركة 8 فرق، وهذا الشي بالنظر للمستوى ديال الواك فالسنوات الاخيرة حيث كان دائما فالمراحل الاخيرة من عصبة ابطال افريقيا.