فلوس مهمة غيدخلوها الوداد فالسوبر ليك الافريقي

ضمنو الوداد الرياضي منحة مهمة حيث تختارو باش يشاركو فالنسخة الاولى من السوبر ليك الافريقي، اللي غتسحب القرعة ديالها اليوم السبت مع 5 لعشية.
وحسب مصادر مطلعة، فالاندية الثمانية اللي وجه لها الاتحاد الافريقي لكرة القدم الدعوة للمشاركة فالسوبر ليك، غتستافد من بريم القيمة ديالو 700 ألف أورو، باش توجد راسها لدخول منافسات المسابقة الافريقية الجديدة اللي غتبدا شهر اكتوبر المقبل وغتسالي فنوفمبر الجاي.
وكتعرف مسابقة السوبر ليك الافريقي فالنسخة الاولى، مشاركة 8 فرق من بينها ممثل الكرة المغربية الوداد الرياضي، وكتوصل منحة الفائز بالمسابقة لحوالي 2 مليون أورو.